Muffrika is en Ökelnaam för dat ole hannöbersche Eemsland. De Lüüd vun dat Land heet denn Muffrikaners. In de Nedderlannen is de Naam Moffrika ok as Ökelnaam för ganz Düütschland un Mof oder Moffrikaan för all de Düütschen övernahmen worrn. Wo de Naam vun afkummt, dat is nich gewiss. Een Geschicht is, dat Berend van Galen sien Soldaten in’t 17. Johrhunnert in’n Winter to de Uniform Muff dragen hebbt un dat de Hollänners dorvun den Naam präägt hebbt. En annere Etymologie is, dat dat vun muffelig kummt, dat de Hollänners de Düütschen achter de Grenz för en beten muffelköppsch hollen hebbt. Villicht hett dat Woort aver ok noch en annern Achtergrund. Dat is op jeden Fall bekannt, dat de Eemslänners dat Woort ok sülvst bruukt un bruukt hebbt, ahn dat se dat as bösen Ökelnaam ansehn hebbt. (Quelle: http://nds.wikipedia.org/wiki/Muffrika)

Informationen? Anregungen? Kritik?
Schreibt uns: muffrika[at]riseup.net

PGP-Key auf Anfrage.